Прэзентацыя Project Spartan. Фота: Microsoft

Прэзентацыя Project Spartan. Фота: Microsoft

Карпарацыя Microsoft прадставіла новую тэставую зборку сваёй наступнай аперацыйнай сістэмы Windows 10. У яе склад увайшоў Project Spartan — браўзер, што прыйдзе на замену Internet Explorer.

Асобна ад Windows 10 паспрабаваць Project Sparnat не атрымаецца — толькі ў складзе Windows 10 Technical Preview.

Project Spartan зараз далёкі ад фінальнай версіі, але яго асноўныя прынцыпы ўжо можна ацаніць. Браўзер мае мінімалістычны інтэрфейс, спрошчаны рэжым чытання, падтрымку галасавога памочніка Cortana.

Важная «фішка» браўзера, кросплатформавасць (то бок дасяжнасць адначасова на смартфонах, планшэтах і настольных камп’ютарах) будзе дасягнутая толькі ў фінальнай версіі Windows 10. Версія для азнаямлення дае магчымасць скарыстацца Project Spartan толькі на настольных камп’ютарах і ноўтбуках.

***

Project Spartan — не фінальная назва «забойцы IE». Па чутках, канчатковая назва будзе ўтрымліваць брэнд Microsoft і простае слова — атрымаецца нешта накшталт «Microsoft Browser».

Чытайце таксама: Microsoft прэзентавала новыя магчымасці Windows 10, замену Internet Explorer і галаграфічныя акуляры

Новы браўзер не «заб’е» Internet Explorer. Стары браўзер застанецца ў карпаратыўных зборках Windows дзеля забеспячэння адваротнай сумяшчальнасці. Тым не меней, Project Spartan мае выцесніць шматпакутны брэнд Internet Explorer, «абяліць» рэпутацыю якога ў Microsoft так і не выйшла.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?