Заур Дадаеў, Reuters.com
Непасрэдны сведка забойства апазіцыянера Барыса Нямцова ў Маскве апісаў кілера як чалавека, непадобнага на затрыманага па абвінавачванні ў гэтым злачынстве Заура Дадаева, прыводзіць «Коммерсант» дадзеныя блізкай да следства крыніцы.
Па словах суразмоўцы выдання, акрамя спадарожніцы Нямцова Ганны Дурыцкай следства дапытала іншага сведку - 27-гадовага менеджара па імені Яўген. Ён распавёў, што ў момант забойства ішоў па Вялікім Маскварэцкім мосце ў слухаўках і глядзеў у экран смартфона, а затым падняў галаву і ўбачыў мужчыну, які ўцякаў ад цела палітыка.
Яўген патлумачыў, што бачыў меркаванага стралка толькі са спіны і апісаў яго як мужчыну сярэдняга росту і хударлявага целаскладу з цёмнымі — меркавана хвалістымі — валасамі даўжынёй каля чатырох сантыметраў. Уцякач быў апрануты ў джынсы і талстоўку з капюшонам, якія былі яму вялікія. На падставе гэтых слоў газета робіць выснову, што Яўген бачыў не Заура Дадаева, які адрозніваецца спартовым целаскладам.
Таксама малады чалавек распавёў, што мужчына сеў у машыну падобную на белую Lada Priora. Пазней следчыя ўстанавілі, што забойцы з'ехалі на аўтамабілі ZAZ Sens.
Акрамя Дурыцкай пасля забойства Нямцова на мосце Яўген заўважыў дзіўную пару — дзяўчыну і жанчыну сярэдніх гадоў у чорнай футры. Яны нібыта перакінуліся некалькімі фразамі са спадарожніцай забітага, а потым павярнулі з тратуара на лесвіцу і хутка спусціліся да набярэжнай Масквы-ракі. Калі ён сам падышоў да Дурыцкай, Нямцоў быў яшчэ жывы і падаваў «хрыпы або стогны», аднак Яўген не стаў яго падымаць, убачыўшы «невялікая колькасць ванітаў».
Адвакаты Дадаева паведамілі «Коммерсанту», што паказанні Яўгена плануюць выкарыстоўваць як доказ недатычнасці іх падабароннага да забойства. Прызнальныя паказанні ў пачатку допытаў адвакаты лічаць самаагаворам.
