На Манхэтэне ў выніку выбуху газу 26 сакавіка загарэліся і абрынуліся два будынкі. Пацярпелі як мінімум 12 чалавек. Трое з іх знаходзяцца ў крытычным стане.
У другой палове дня ў чацвер больш за 100 пажарных спрабавалі патушыць пажар, які ахапіў чатыры будынкі.
Прычынай выбуху і абвальвання дамоў стала ўцечка газу, паведаміў мэр горада Біл дэ Блазіа.
Паводле яго слоў, аварыю выклікалі будаўнікі, што пашкодзілі газаправод у рэстаране на першым паверсе аднаго з будынкаў.
Выбух газу прывёў да пажару ў будынку, дзе знаходзіўся японскі рэстаран. Пажар хутка распаўсюдзіўся на суседнія дамы.
Будынкі знаходзяцца на рагу Другой авеню і Сёмай вуліцы непадалёк ад Нью-Ёркскага універсітэта.
0
0
0
0
0
0
