Цела 25-гадовага Андрэя Ліванава, сына акцёраў Ігара Ліванава і Ірыны Бязрукавай, знойдзена ў яго кватэры, размешчанай на паўднёвым усходзе Масквы. Аб гэтым паведамляе тэлеканал LifeNews.
Ірына і яе муж Сяргей Бязрукаў знаходзіліся ў камандзіроўцы і некалькі дзён не маглі звязацца з Андрэем. Ён таксама не з'яўляўся ў тэатры, дзе ў апошні час працаваў адміністратарам. Наведаць маладога чалавека прыйшла дырэктар тэатра. Пасля таго, як дзверы ёй ніхто не адчыніў, было вырашана выклікаць МНС.
Ратавальнікі выявілі ў кватэры цела Ліванава без знешніх прыкмет гвалтоўнай смерці. Дактары хуткай дапамогі канстатавалі яго смерць.
Яшчэ да ад'езду маці сын скардзіўся на высокую тэмпературу і агульнае нядужанне.
Шлюб бацькоў Андрэя Ліванава распаўся, калі яму было 11 гадоў. З тых часоў ён жыў з маці і айчымам, акцёрам Сяргеем Бязрукавым. Будучы школьнікам Ліванаў граў у мюзікле «Норд-Ост».
