Баевікі з дапамогай падмацавання змаглі выбіць украінскіх вайскоўцаў з сяла Логвінава, што пад Дэбальцэвам.
Пра гэта на сваёй старонцы ў Facebook паведаміў камандзір батальёна «Данбас» і народны дэпутат Сямён Сяменчанка.
«Логвінава зноў у руках расійскіх войскаў. Учора пасля таго, як тэрарысты бесперашкодна падцягнулі значныя сілы і нанеслі контрудар, часткі УСУ і Нацгвардыі, якая засталася без прыкрыцця бранятэхнікі, вымушаныя былі пакінуць пасёлак.
Зараз баі ідуць паміж Логвінава, Міронаўскім і Луганскім з нарастаючай жорсткасцю. Супернік спрабуе наступаць», — напісаў Сяменчанка.
