Reuters.com
Прэс-сакратар прэзідэнта Уладзіміра Пуціна Дзмітрый Пяскоў назваў «глупствам, якое не заслугоўвае каментара», паведамленні амерыканскіх СМІ аб тым, што спецыялісты Пентагона западозрылі ў Пуціна псіхічнае захворванне — сіндром Аспергера..
Аб падазрэнні на захворванне расказала напярэдадні выданне USA Today. У 2008 г. адным з аналітычных цэнтраў Пентагона было падрыхтавана даследаванне, у якім выказвалася тэорыя аб наяўнасці ў прэзідэнта Расіі Уладзіміра Пуціна сіндрому Аспергера, пра гэта заявіў карэспандэнт Рэй Локер, што атрымаў доступ да справаздачы.
Пры гэтым спецыялісты ўказваюць, што ў розных людзей сіндром выяўляецца па-рознаму, і выключна па знешніх прыкметах, без тамаграфіі мозгу, дыягназ ставіць нельга.
USA Today таксама зазначае, што прафесар псіхіятрыі Універсітэта Паўночнай Караліны Стывен Порджэс, які ў 2008 годзе схіляўся да меркавання аб наяўнасці ў Пуціна нейкай формы аўтызму, цяпер на пытанні журналістаў адказвае, што ніколі не бачыў канчатковага тэксту даследавання і хацеў бы ўстрымацца ад сцвярджэнняў аб наяўнасці ў Пуціна сіндрому Аспергера.
У чацвер гэтая тэма стала адной з галоўных на амерыканскім тэлебачанні і справакавала актыўнае абмеркаванне ў сацыяльных сетках і блогах.
Людзі з сіндромам Аспергера могуць мець цяжкасці з сацыяльнай камунікацыяй, сацыяльным узаемадзеяннем і сацыяльным уяўленнем.
Гэта азначае, што ім можа быць цяжка інтэрпрэтаваць жэсты і выраз твару, разумець метафары і сарказм, прытрымлівацца няпісаных «сацыяльных нормаў», а таксама прадстаўляць альтэрнатыўныя сцэнары падзеяў, разумець пункт гледжання іншых людзей і інтэрпрэтаваць пачуцці і дзеянні навакольных.
