Reuters.com
Прэзідэнт Украіны Пятро Парашэнка заявіў, што перамовы з германскім канцлерам Ангелай Меркель і прэзідэнтам Францыі Франсуа Аляндам у Кіеве даюць надзею на дасягненне пагаднення аб спыненні агню ў Данбасе.
У чацвер Меркель і Алянд прыбылі з нечаканым візітам у Кіеў, каб абмеркаваць магчымасць дасягнення новага перамір'я на ўсходзе Украіны. Іх перамовы з Парашэнкам працягваліся 5 гадзін і праходзілі ў закрытым рэжыме. Пасля іх заканчэння Ангела Меркель і Франсуа Алянд пакінулі адміністрацыю ўкраінскага прэзыдэнта, не зрабіўшы якіх-небудзь заяў для прэсы.
Перад адбыццём у Кіеў Алянд абвясціў, што яны з Меркель маюць намер прапанаваць «новы шлях вырашэння канфлікту, заснаваны на прынцыпе тэрытарыяльнай цэласнасці Украіны», які пры гэтым «будзе прымальны для ўсіх бакоў».
У апублікаваным у ноч на пятніцу паведамленні на сайце ўкраінскага прэзідэнта гаворыцца, што «бакі падтрымалі мірнае ўрэгуляванне канфлікту ў Данецкай і Луганскай вобласці і выказалі надзею, што і Расія зацікаўлена ў гэтым».
«Трое лідараў заклікалі да неадкладнага спынення агню, вываду замежных войскаў з Украіны, адводу цяжкай тэхнікі і ўзбраенняў, закрыцця мяжы і вызвалення ўсіх закладнікаў», — паведамляе прэс-служба Пятра Парашэнкі, падкрэсліваючы пры гэтым, што «асновай вырашэння канфлікту» застаюцца Мінскія дамоўленасці.
У пятніцу германскі і французскі лідары маюць намер абмеркаваць сваю новую мірную ініцыятыву ў Маскве з прэзідэнтам Пуціным.
