Улады Мурманскай вобласці забаранілі пракат фільма рэжысёра Андрэя Звягінцава «Левіяфан».
Пра гэта ў чацвер, 15 студзеня, паведамляе агенцтва FlashNord.
«Рашэнне аб забароне пракату фільма прыняла Марына Васільеўна [губернатар Мурманскай вобласці Марына Коўтун]. Губернатар засталася незадаволеная, як у фільме паказаны жыхары Поўначы», — распавяла агенцтву крыніца ва ўрадзе вобласці.
Суразмоўца таксама распавёў, што рэкамендацыю ў вуснай форме аб адмове пракату фільма атрымалі ўсе кампаніі, якія валодаюць кінатэатрамі ў Мурманскай вобласці.
Прэс-сакратар Коўтун Дзяніс Пушын сказаў, у сваю чаргу, што ніякіх забаронаў на паказ фільма няма.
12 студзеня «Левіяфан» перамог у намінацыі «Найлепшы замежны фільм» на прэміі «Залаты глобус».
0
0
0
0
0
0
