За мінулы год Мінскім гарадскім цэнтрам нерухомасці на аўкцыёнах прададзена 8 зямельных надзелаў для будаўніцтва шматкватэрнага жылля. Ва ўсіх выпадках на тэрыторыі знаходзяцца аб'екты, якія падпадаюць пад знос. Пра гэта карэспандэнту агенцтва «Мінск-Навіны» расказала начальнік сектара рэалізацыі маёмасных правоў на зямлю аддзела аўкцыёнаў Мінскага гарадскога цэнтра нерухомасці Ірына Германовіч.
Самымі дарагімі лотамі сталі зямельныя надзелы на вуліцы Гастэлы і ў межах вуліц Нямігі — Калектарнай — Цэткін (раён плошчы Багушэвіча). Таксама знайшоўся пакупнік на ўчасткі ў межах вуліц Галадзеда — Аўэзава, Кірава — Свярдлова — Ульянаўскай, Лібкнехта — Лермантава, Калініна — Чорнага, Радыятарны завулка і вуліцы Ядкоўскай.
Цяпер у працэсе знаходзяцца яшчэ каля 30 зямельных надзелаў, якія могуць быць выстаўлены на аўкцыён для будаўніцтва.
