Ліберальна-дэмакратычная партыя Узбекістана вылучыла кандыдатам у прэзідэнты краіны цяперашняга кіраўніка дзяржавы 75-гадовага Іслама Карымава.
«Партыя, улічваючы меркаванне электарату, аднагалосна вылучыла кандыдатам у прэзідэнты Узбекістана Іслама Карымава», — паведамілі ў партыі.
Прэзідэнцкія выбары ва Узбекістане прызначаныя на 29 сакавіка.
На апошніх прэзідэнцкіх выбарах, якія адбыліся 23 снежня 2007 года, Карымаў атрымаў 88,1% ад агульнай колькасці галасоў выбаршчыкаў. У 2011 годзе ва Узбекістане быў прыняты закон, што скарачае тэрмін паўнамоцтваў прэзідэнта з сямі да пяці гадоў.
Карымаў кіруе краінай з 1990 г.
0
0
0
0
0
0