Рух электрычак быў спынены прыкладна ў 14.30. На станцыі «Кастрычніцкая» цягнікі стаялі на платформе з адчыненымі дзвярыма.
Дыспетчар метрапалітэна па селектары паведамляў, што рух па першай лініі «прыпынены па тэхнічных прычынах» і прапаноўваў скарыстацца наземным транспартам ці пачакаць аднаўлення руху на платформе.
Міліцыя перакрывала ўваход на эскалатары і платформу, дзе сабралася вялікая колькасць людзей.
Прыкладна ў 14.54 рух быў адноўлены.
У Мінскім метрапалітэне сітуацыю пакуль не каментуюць. У ГУУС Мінгарвыканкама паведамілі, што ніякіх здарэнняў па іх лініі ў метро не адбывалася. Паводле наяўнай інфармацыі, былі тэхнічныя непаладкі.
0
0
0
0
0
0
