«Ежедневник»: Хваля забойстваў накрыла беларускую сталіцу 2
За першы квартал 2013 года ў Мінску адбылося ў тры разы больш забойстваў, чым за аналагічны перыяд мінулага года (пятнаццаць супраць пяці).
Як паведамляе «Ежедневник», самым крывавым стаў студзень, калі было здзейснена 6 забойстваў і адзін замах на забойства. Пры гэтым сярод загінулых — чацвёра дзяцей і адзін супрацоўнік міліцыі.
Праваахоўнікі згаданую негатыўную тэндэнцыю пакуль ніяк не каментуюць. Да таго ж са зводак сталічнай міліцыі па першых месяцах 2013-га, змешчаных у інтэрнэце, пачала знікаць інфармацыя пра забойствы, адзначае электроннае выданне.