Жабінка і Скідзель сталі гарадамі-спадарожнікамі 4

Указ кіраўніка дзяржавы № 246 ад 30 мая 2013 рэгламентуе катэгорыі грамадзянаў, якія маюць прана на атрыманне льготнага крэдыту. Адно з новаўвядзенняў заключаецца ў тым, што

льготы будуць распаўсюджаныя на грамадзян, якія будуюць жыллё ў гарадах-спадарожніках.

У зносцы прыводзіцца спіс такіх населеных пунктаў.

Гэта шэсць гарадоў і мястэчак пад Мінскам (Дзяржынск, Фаніпаль, Заслаўе, Рудзенск, Смалявічы і Лагойск), а таксама заходнія Жабінка і Скідзель.

Раней яны спадарожнікамі не называліся.

Жабінка — райцэнтр каля Брэста, у якім на пачатак года жылі 13 200 чалавек.

Насельніцтва Скідзеля меншае — 10 600 чалавек. Горад знаходзіцца каля Гродна. Адлегласць ад абодвух спадарожнікаў да горада-цэнтра — каля 35 км.

Ягор Марціновіч

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ