На сайце hockey.by завяршылася галасаванне, дзе наведвальнікі выбіралі імя талісмана Чэмпіянату свету 2014 у Мінску.
Галасаванне праходзіла на сайце Федэрацыі хакея Беларусі (hockey.by) і з дапамогай сацыяльных сетак на сайце talisman2014.by.
У выніку анлайн-апытання, якое доўжылася з 10 па 20 красавіка, перамог варыянт Волат, які набраў у суме 859 галасоў(373 галасы на сайце hockey.by, 347 У кантакце, 139 ў Фэйсбуку на talisman2014.by).
Другое месца заняў Белавежык - 619 (371+166+82), следам размясціліся Расці - 514 (294+168+52), Зубрык - 328 (159+90+79), Вежык - 287 (3+248+36), Янка - 253 (131+88 +34), буліт - 240 (80+129+31), Пушчык - 221 (197+20+4), Зубі - 146 (107+27+12), Шайбік - 111 (65+37+9), паведамляе БелТА
Сёння ў другой палове дня адбудзецца выніковае пасяджэнне журы, дзе афіцыйна будзе зацверджана імя талісмана.
Цікава, што на сайце «Нашай Нівы» таксама перамог Волат, за яго прагаласавалі 573 чалавекі (28%), за Янку аддалі голас 476 чалавек (23%).
0
0
0
0
0
0
