У сераду пад Вільняй літоўскія памежнікі затрымалі жыхара літоўскай сталіцы, які вёз у аўтамабілі шасцёра нелегалаў з Грузіі.
Учора супрацоўнікі Службы аховы дзяржмяжы Літвы затрымалі каля вёскі Лаварышкі, што на мяжы з Беларуссю, аўтамабіль-таксі Ford Galaxy.
Кіроўца, 51-гадовы жыхар Вільні, паказаў асабістыя дакументы і дакументы на машыну, якія былі ў парадку. У салоне сядзелі шасцёра мужчын, якія прад'явілі памежнікам пашпарты грамадзян Грузіі, у якіх не было віз, што дазваляюць знаходжанне ў Шэнгенскай прасторы. З пашпартоў двух грузінаў былі выдраныя лісты з асабістымі звесткамі.
Памежнікі пачалі расследаванне ў сувязі з незаконным перасячэннем мяжы. Вілянчук і нелегалы знаходзяцца ў СІЗА.
0
0
0
0
0
0