Людзей з дома састарэлых ратавалі ўсім гарадком.
Мяркуецца, што ад 5 да 15 чалавек загінулі ў выніку пажару на хімзаводзе ў гарадку Уэст (штат Тэхас). Пяць — гэта пажарнікі-валанцёры, якія з'ехаліся на ліквідацыю ўзгарання на прадпрыемстве, што вырабляе ўгнаенні.Сярод іншага, разбураны дом састарэлых непадалёку.
Пачатковыя звесткі, што ахвярамі маглі стаць нават 70 чалавек, аказаліся моцна перабольшанымі.
Сведкі расказваюць, што спачатку на тэрыторыі хімічнага завода пачаўся пажар. Загарэўся рэзервуар з сухім аміякам. На ўзгаранне накіраваліся мясцовыя дружыннікі-ратавальнікі. Прыкладна праз 5–10 хвілін прагучаў магутны выбух. Агонь перакінуўся на суседнія будынкі, у тым ліку школу і дом састарэлых.
Паводле апошніх звестак, раненні атрымалі не менш за 160 чалавек, 40 з іх знаходзяцца ў цяжкім стане. Цэнтр аказання дапамогі размясцілі на мясцовым стадыёне — далей ад пажарышчаў.
Уэст — гарадок прыкладна за 120 км на поўдзень ад Даласа. У ім жыве 2800 чалавек.
У панядзелак тэракт адбыўся на іншым канцы Амерыкі — у Бостане, у часе знакамітага марафону.
Адносна пажару на хімзаводзе кампетэнтныя органы пакуль схіляюцца да версіі пра аварыю, а не тэракт.
0
0
0
0
0
0
