Цяпло прыйдзе з наступнага тыдня, ад 4 красавіка — суцэльны плюс 3

Вясновае цяпло прыйдзе ў Беларусь у красавіку.

Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў.

Як прагназуюць сіноптыкі, ад 4 красавіка плюсавыя тэмпературы ўстановяцца на ўсёй тэрыторыі Беларусі.

«Чатыры месяцы зімы гэта, вядома, шмат, але трываць засталося нядоўга — да наступных выходных.

Да пятніцы надвор’е будзе вызначаць вельмі халодны антыцыклон.

Пры праясненнях тэмпература ўначы чакаецца да мінус 15–20 градусаў, днём — ад 0 да мінус 6.

Але з 29 сакавіка ў атмасферы адбудзецца перазагрузка, г.зн. паўночны вецер памяняецца на паўднёва-заходні. Будзе паступаць больш цёплае паўднёвае паветра,

і ўжо ў нядзелю тэмпература ўначы складзе ад 0 да мінус 6, удзень — ад 0 да плюс 6, а ў паўднёва-заходніх раёнах будзе да 8 градусаў цяпла «, — сказаў Дзмітрый Рабаў.

БелТА; СГ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ