Вадалазы выявілі варонку на дне возера, у якое ўпаў Чэлябінскі метэарыт

На глейкім дне возера Чэбаркуль пад Чэлябінскам аквалангісты выявілі варонку, якая меркавана з’яўляецца следам метэарыта. Пра гэта «Российской газете» паведамілі ў прэс-службе адміністрацыі Чабаркуль. Больш дакладную інфармацыю змогуць даць навукоўцы з Екацярынбурга, якія ў бліжэйшы час збіраюцца прыбыць у Чабаркуль і зрабіць здымкі для складання «карты дна». Як растлумачылі ў адміністрацыі, вадалазам прыходзіцца працаваць у складаных умовах, глыбіня возера ў месцы меркаванага падзення метэарыта складае 11 метраў, а слой глею даходзіць да трох метраў.

Між тым, па здагадках навукоўцаў, у возеры можа знаходзіцца фрагмент масай ад 200 да 500 кілаграмаў.

Нагадаем, найбольшым на сённяшні дзень фрагментам метэарыта з’яўляецца кілаграмовы асколак, знойдзены два дні таму ў Еткульскім раёне Чалябінскай вобласці. Раней навукоўцы выявілі на лёдзе возера Чабаркуль метэарытныя крошкі, якія, верагодна, утварыліся пры ўдары каменнага баліда аб лёд, акрамя таго, спецыялісты з УрФУ ўжо знаходзілі абломкі нябеснага цела велічынёй з дзіцячую далоньку.

Па словах навукоўцаў, вельмі важна сабраць як мага больш рэчывf метэарыта, бо рэчыва ўжо на вачах акісляецца і можа страціць частку сваіх першапачатковых уласцівасцяў.

0

0

0

0

0

0