Суд Фрунзенскага раёна Мінска працягвае разглядаць справу Андрэя Забабуры, кіроўцы «Поршэ Каен», які насмерць збіў 9-гадовага школьніка Улада Грудзьева каля СШ №23.
* * *
У судзе па справе кіроўцы«Поршэ-Каена» Андрэя Забабуры яго адвакат Ігар Папкоўскі зноў заявіў хадайніцтва аб правядзенні комплекснай аўтатэхнічнай экспертызы.
Абаронца лічыць неабходным скласці маштабную схему месца ДТЗ 13 лістапада 2012 года каля мінскай сярэдняй школы № 23 на вуліцы Панчанкі. У ёй, на думку адваката, павінны быць указаны тэхнічныя характарыстыкі аўтамабіляў, якія размясціліся ля бардзюра злева па ходу руху «Поршэ».
Таксама неабходна шляхам графічнага мадэлявання вызначыць ўчасткі бачнасці пляцоўкі школы з «Поршэ» за тры секунды да наезду, траекторыю руху школьніка за тры секунды да наезду.Акрамя таго, неабходна ўстанавіць, на працягу якога часу кіроўца рэальна мог бачыць хлопчыка на працягу трох секундаў да наезду, і вызначыць, ці з’яўляецца гэты час дастатковым для ацэнкі кіроўцам сітуацыі і прыняцця захадаў.
Раніцай 13 лютага суддзя ўжо адхіліла хадайніцтвы аб правядзенні дадатковай экспертызы, палічыўшы, што праведзенай падчас следства дастаткова. Супраць гэтага хадайніцтва выступілі і дзяржабвінаваўца, і пацярпелыя.
Па словах Папкоўскага, улічваючы, што для правядзення прапанаванай ім экспертызы неабходнаСам абвінавачваны, па яго словах, гатовы, каб суд змяніў меру стрымання з утрымання пад вартай на вызваленне пад заклад. Дзяржабвінаваўца — супраць, пацярпелыя аддалі рашэнне гэтага пытання на разгляд суда.адзін-два месяцы, ён просіць суд змякчыць меру стрымання Забабуры, вызваліўшы ягоз-пад варты.
Суддзя ўзяла час на прыняцце рашэння.
* * *
Суддзя Юлія Блізнюк адхіліла абодва хадайніцтвы: аб прызначэнні новай комплекснай экспертызы і пра змену меры стрымання на падпіску пра нявыезд.
Забабура пад вартай знаходзіцца ад 7 снежня. Суд палічыў гэта законным, адпаведным цяжкасці абвінавачання.
* * *
37-гадовага Забабуру вінавацяць паводле крымінальнага артыкула «парушэнне правілаў дарожнага руху або эксплуатацыі транспартных сродкаў, што пацягнула па неасцярожнасці смерць чалавека». Яму пагражае да пяці гадоў пазбаўлення волі.