Крэдыты з дзяржпадтрымкай пачалі выдавацца на новых умовах

Банк развіцця пачаў выдаваць дзяржаўным прадпрыемствы крэдыты па новых умовах.

Першым стала «Салодкая краіна» з Аршаншчыны, якая сёлета атрымае крэдыт на будаўніцтва кандытарскай фабрыкі.

Грошы будуць выдадзеныя ў беларускіх рублях у суме, эквівалентнай 15,727 мільёна еўра, пад гарантыю Віцебскага аблвыканкама.

крэдыт будзе прадастаўлены на 15 гадоў з пачаткам пагашэння праз год пасля ўводу фабрыкі ў эксплуатацыю.

Пры гэтым працэнтная стаўка па крэдыце ўстаноўлена ў памеры ½ стаўкі рэфінансавання, але не больш за 7,5% гадавых.

Да запуску фабрыкі працэнты па крэдыце будуць цалкам кампенсавацца «Салодкай краіне» за кошт сродкаў мясцовага бюджэту.

Пасля запуску фабрыкі кампенсацыя будзе складаць не больш за 6% гадавых, рэшту прадпрыемства будзе плаціць само.

Дакументам устаноўлены наступныя ўмовы аказання дзяржпадтрымкі: выкананне ў 2014-2028 гадах паказчыка па рэнтабельнасці продажаў; забеспячэнне з 2015 года гадавога дабаўленага кошту ў разліку не менш за 25 тысяч еўра на аднаго работніка.

У выпадку невыканання умоваў па выніках года, прадпрыемству давядзецца самому аплаціць працэнты за карыстанне крэдытам у дадзеным годзе.

ЯМ, паводле Afn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ