У школьных буфетах сасіскі ў цесце, піцы, смажні заменяць на карысныя піражкі 5

Школьны буфет павінен прапаноўваць дзецям карысныя прадукты, а не толькі прысмакі.

Такое меркаванне падчас прэс-канферэнцыі на сайце БелТА выказала загадчыца аддзялення гігіены дзяцей і падлеткаў Рэспубліканскага цэнтра гігіены, эпідэміялогіі і грамадскага здароўя Ала Малахава.

Найбольшая колькасць пытанняў, па яе словах, у спецыялістаў менавіта да школьных буфетаў.

«У свой час школьныя буфеты нават зачыняліся з-за таго рацыёну, які яны прапаноўвалі, аднак потым мы пайшлі іншым шляхам. Мы вырашылі развіваць буфеты з тым, каб яны прапаноўвалі дзецям больш карысных прадуктаў, папаўняючы дэфіцыт макра-і мікраэлементаў, вітамінаў і карысных рэчываў. Гэта добры дадатак да гарачага харчавання», — адзначыла Ала Малахава. Паводле яе слоў, у асартыменце буфета, які рэкамендаваны санітарнымі правіламі, заўсёды ў наяўнасці сокі з утрыманнем сокавых рэчываў не менш за 50%. У наяўнасці павінны быць і малочныя і кісламалочныя прадукты, узбагачаныя мікраэлементамі; салаты з свежай гародніны, садавіна. І толькі на апошнім месцы ўсякія прысмакі, якіх па правілах павінна быць не больш за 10 найменняў.

«Аднак усё роўна, імкнучыся атрымліваць прыбытак, буфеты грашаць тымі прадуктамі, якія гігіеніст не хацелася б бачыць у школьным харчаванні. Гэта разнастайныя прысмакі, сасіскі ў цесце, піцы, смажні», — прызнала загадчыца.

Тым не менш, адзначыла Ала Малахава, Мінск ужо пачаў барацьбу з гэтым.

«Школы замяняюць такія некарысныя прадукты піражкамі з карыснай накрыпкай — з капустай, курагой, яблыкамі: гэта ўсё ж лепш для дзяцей і карыстаецца сярод іх попытам», — падкрэсліла яна.

Ала Малахава асабліва адзначыла, што ўсе выдаткі, якія сёння ёсць у школах, — ад поўнай бескантрольнасці з боку бацькоўскіх камітэтаў і адміністрацый.

«Гэтыя пытанні павінны кантраляваць у першую чаргу яны. Калі ў бацькоў ёсць нейкія пытанні па меню, яны ім незадаволеныя, варта звяртацца да дырэктара ўстановы адукацыі з канкрэтнымі прапановамі. Там, дзе гэтая праца наладжана, праблемных пытанняў няма», — заявіла загадчыца.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ