Два літоўцы сутыкнуліся 31 студзеня ў Астравецкім раёне каля вёскі Варона.
Кіроўца «Аўдзі-100» не скінуў хуткасці перад невялікім закругленнем дарогі, паведамляе Алег Дук, старшы інспектар ДАІ Гродзенскага ГУУС. У выніку на мокрым асфальце яго павяло на другі бок дарогі. Кіроўца «Аўдзі-А4», бачачы, як на яго нясе сустрэчны аўтамабіль, стаў сыходзіць налева. Спрабаваў аб’ехаць яго па сустрэчцы.
Дзякуючы ягонай добрай рэакцыі машыны не сутыкнуліся лоб у лоб. Аднак і цалкам размінуцца не ўдалося, машыны стукнуліся правымі бакамі і іх развярнула ў зваротных кірунках. Кіроўцу «Аўдзі-100» і пасажыра з пярэдняга сядзення «Аўдзі-А4» давялося шпіталізаваць.
Дарэчы, пад абіўкай «Аўдзі-100» знайшлі пачкі цыгарэт. Відаць, жыхар Літвы падзарабляў кантрабандай.
СГ, інф. grodnonews.by
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ