Гжэгаж Шыманік стаў адным з лаўрэатаў прэміі імя Рычарда Капусцінскага, заснаванай агенцтвам РАР.
Журналіст выдання «Gazetа Stołecznа», якое з'яўляецца варшаўскім дадаткам «Gazety Wyborczej», быў узнагароджаны за рэпартаж «Таварышы, я ваш фюрэр», які быў зроблены ў роднай вёсцы Аляксандра Лукашэнкі. Ён быў надрукаваны 21 красавіка 2011 года. У якасці ўзнагароды журналіст атрымаў 20 тысяч злотых (каля 6 тысяч даляраў).
Прэмія імя Рычарда Капусцінскага прысуджаецца ў чатырох намінацыях. Гжэгаж Шыманік атрымаў яе за лепшы тэкст.
«Гэта сапраўды выдатны тэкст, у якім шмат інфармацыі і які ў той жа час вельмі прыгожа напісаны, -- сказала падчас цырымоніі ўзнагароджання Аліса Капусцінская, удава пісьменніка, імем якога названа прэмія.
