Беларусы правераць расейскія мясакамбінаты
А ў нашу краіну завітаюць расейцы.
03.05.2007 / 07:39
Паводле словаў віцэ‑прэм’ера Беларусі Івана Бамбізы, дасягнутая дамоўленасьць аб праверцы беларускімі спэцыялістамі расейскіх вытворцаў мясасалочнай прадукцыі.
Прадстаўнікі Рассельгаснагляду тым часам плянуюць завітаць ў Беларусь з чарговай інспэкцыяй прадпрыемстваў мяса-малочнай галіны. Паводле папярэдняй інфармацыі, адбудзецца гэта 10 траўня. Заплянаваныя інспэкцыі на Гомельшчыне і Магілёўшчыне.
Нагадаем, што па патрабаваньні расейскага боку ад 17 сакавіка прыпынены завоз польскага мяса ў Беларусь. Па выніках першых праверак расейскіх вэтэрынараў, толькі 3 з 23 беларускіх мясакамбінатаў здолелі захавць магчымасьць завозіць сваю прадукцыю ў Расею.