Apazicyja Jehipta kliča na pratesty suprać ukaza prezidenta Mursi

23.11.2012 / 11:47

Bujnamaštabnyja pratesty, jak čakajecca, projduć u piatnicu ŭ Jehipcie paśla ŭkaza jehipieckaha prezidenta Machamieda Mursi, jaki značna pašyraje jaho paŭnamoctvy.

Machamied Mursi

Apazicyja zaklikała svaich prychilnikaŭ ładzić demanstracyi na płoščach haradoŭ.

Adzin ź lidaraŭ apazicyi, łaŭreat Nobieleŭskaj premii miru Machamied el-Baradei abvinavaciŭ prezidenta ŭ tym, što toj abviaściŭ siabie novym «faraonam» Jehipta.

Pavodle tekstu zakona, ciapier nichto nie moža asprečvać abo admianiać ukazy, zakony i rašeńni Mursi, navat sudy.
Jak skazana, takoje rašeńnie było pryniata, kab abaranić dasiahnieńni jehipieckaj revalucyi.

Machamied Mursi taksama zvolniŭ hienieralnaha prakurora krainy Abdela Mahida Machmuda i zahadaŭ pravieści pierahlad šerahu kryminalnych spraŭ suprać tych, chto byŭ abvinavačany ŭ napadzie na ŭdzielnikaŭ akcyj pratestu padčas praŭleńnia Chośni Mubaraka.