«Платформу» — арганізацыю, створаную былымі вязнямі для абароны вязняў, — зліквідавалі
09.10.2012 / 16:22
Гаспадарчы суд Мінска задаволіў пазоў падатковай інспекцыі Савецкага раёна Мінска і пастанавіў зліквідаваць «Платформу».
Кіраўнік арганізацыі Андрэй Бандарэнка паведаміў, што будзе абскарджваць рашэнне суда.
Справу разглядаў суддзя Алег Клюйко.
Падаткавая інспекцыя прасіла ліквідаваць арганізацыю. Маўляў, тая парушыла тэрмін падачы дэкларацыі і не паведаміла пра змену месца знаходжання.
«Платформа» займалася абаронай правоў вязняў турмаў і калоній.