Зюганаў: Буду прэзідэнтам — памілую Хадаркоўскага

11.01.2012 / 13:48

Лідар КПРФ Генадзь Зюганаў ў выпадку перамогі на прэзідэнцкіх выбарах у Расіі абяцаў «праявіць гуманізм» і памілаваць экс-кіраўніка кампаніі «Юкас» Міхаіла Хадаркоўскага.

Раней абяцанне вызваліць Хадаркоўскага даў Міхаіл Прохараў, які таксама балатуецца ў прэзідэнты. Прэм’ер Уладзімір Пуцін заявіў у снежні, што для пачатку Хадаркоўскаму неабходна напісаць адпаведнае прашэнне.

«Я за тое, каб праявіць гуманізм і лаяльнасць. Той жа Хадаркоўскі адседзеў досыць шмат», — сказаў Зюганаў.