«ВІА Гра» знайшла замену Надзеі Мейхер
У вядомым трыа абнаўленне складу.
20.10.2011 / 11:43
Кацярына Гудаева.
Надзея Мейхер.
У гурце з гэтага часу будзе спяваць украінка Кацярына Гудаева. Яна ўжо вядомая публіцы па працы ў музычным калектыве «Гарачы шакалад».
Праект Канстанціна Меладзэ ўжо некалькі месяцаў не цешыў новымі песнямі і кліпамі. Ходзяць чуткі, што гэта абумоўлена чарговымі зменамі ў складзе жаночага трыа.
У жніўні Гудаева заявіла, што збіраецца распачаць сольную кар’еру і выпусціла адну песню. Аднак яна не набыла папулярнасці ў слухачоў. Па чутках, эфектную брунэтку заўважыў Меладзэ і прапанаваў працу. Пакуль невядома, заменіць Гудаева некага з цяперашніх салістак, ці трыа ператворыцца ў квартэт.
Але ходзяць чуткі, што брунэтка з «ВІА Гры», Надзея Мейхер, цяжарная. Так што хутчэй за ўсё Кацярына заменіць як раз яе.