Пракаповіч адмяніў курс даляра?
Нацбанк пакуль не абвесціў афіцыйны курс валюты на заўтра.
23.05.2011 / 13:32
Курсаў валют на заўтра няма. Нагадаем, што кожны дзень у 12.00 Нацбанк абвяшчае курсы валют на наступны дзень. Ён выстаўляецца па выніках таргоў на Беларускай валютна-фондавай біржы. Сённяшнія таргі ўжо адбыліся, паводле іх курс даляра вырас на 40 рублёў, але афіцыйныя курсы дагэтуль не абвешчаныя.
Прэм'ер-міністр Міхаіл Мясніковіч заявіў, што ўрад і Нацбанк Беларусі ў панядзелак-аўторак прымуць рашэнні для стабілізацыі сітуацыі на валютным рынку.
Выглядае на тое, што стабілізацыяй лічыцца адсутнасць курсаў.
Атрымаць каментар ва ўпраўленні інфармацыі Нацбанка не ўдалося - ніхто не бярэ слухаўку.