МЗС Беларусі: Associated Press з’яўляецца наёмным агітатарам і інструментам заказной прапаганды
15.04.2011 / 11:10
«Выкрыта чарговая спроба фальсіфікацыі рэальнага стану спраў заходняй медыйнай арганізацыяй. Гэты факт можна разглядаць як доказ таго, што агенцтва Associated Press з’яўляецца наёмным агітатарам і інструментам заказной прапаганды», —гаворыцца ў распаўсюджаным каментарыі начальніка ўпраўлення інфармацыі —
«Мы атрымалі вычарпальны адказ ад кіраўніка групы ААН па наёмніках Хасэ дэль Прада аб тым, што канкрэтна ён сказаў карэспандэнту агенцтва Associated Press. Устаноўлена, што прадстаўнік ААН заявіў амерыканскаму журналісту, што ён не мае ніякай інфармацыі і таму не можа пацвердзіць прысутнасць
«Як уяўляецца, ацэнку дзеянняў Associated Press можна аднесці і да іншых заходніх СМІ, якія публікавалі нататкі на гэту тэму.Як бачна, заходнія журналісты лёгка пераступаюць праз агульнапрынятыя дэмакратычныя стандарты, калі ім гэта зручна ці адпавядае інтарэсам іх спонсараў», — лічаць у беларускім знешнепалітычным ведамстве.
Як паведамлялася раней, у тэлефонным інтэрв’ю Associated Press Прада адзначыў: «Мы правялі аналіз інфармацыі, якая атрымліваецца з розных крыніц, і даныя ўказваюць на тое, што Кадафі карыстаецца паслугамі наёмнікаў у барацьбе супраць насельніцтва Лівіі». Паводле яго слоў, адзначае АП, многія наёмнікі з’яўляюцца выхадцамі з краін Паўночнай Афрыкі, але некаторыя, як мяркуюць, прыбываюць з Беларусі.
Нагадаем, раней МЗС і Мінабароны Беларусі аспрэчвалі інфармацыю пра наяўнасць у Лівіі беларускіх ваенных. У Лівіі знаходзіцца толькі адзін ваеннаслужачы — ваенны аташэ ў складзе пасольства Рэспублікі Беларусь, удакладніла ваеннае ведамства.