Łatvija i Estonija za bolš žorstkija sankcyi
Ministry zamiežnych spraŭ hetych krain H.Krystoŭskis i U.Paet vystupajuć za ŭzmacnieńnie žorstkaści sankcyj JES u dačynieńni da biełaruskaha kiraŭnictva.
03.03.2011 / 16:41
Ministry zamiežnych spraŭ Łatvii i Estonii Hirts Vałdzis Krystoŭskis i Urmas Paet vystupajuć za ŭzmacnieńnie žorstkaści sankcyj Jeŭrasajuza ŭ dačynieńni da biełaruskaha kiraŭnictva.Pra heta ministry zajavili na
Krystoŭskis, adkazvajučy na pytańnie, ci padtrymajuć ministry ŭzmacnieńnie žorstkaści sankcyj JES u dačynieńni da Minska, kali pacvierdzicca infarmacyja ab pastaŭcy Biełarussiu zbroi ŭ Liviju i ab katavańniach aryštavanych apazicyjanieraŭ, zajaviŭ: «Stanovicca ŭsio bolš i bolš vidavočnym, što JES sapraŭdy pavinien znoŭ źviarnucca da hetaha pytańnia i što my ŭ JES pavinny abmierkavać hety aśpiekt situacyi ŭ Biełarusi».
Kiraŭnik MZS Łatvii vykazaŭ upeŭnienaść, što na najbližejšaj sustrečy pradstaŭnikoŭ źniešniepalityčnaha viedamstva JES ź ministrami zamiežnych spraŭ krain Jeŭrasajuza budzie vypracavany «bolš efiektyŭny padychod adnosna palapšeńnia situacyi ŭ Biełarusi». «Čas pryjšoŭ», — padkreśliŭ Krystoŭskis.
Ministr zamiežnych spraŭ Estonii sa svajho boku ličyć, što adnoj z mahčymaściaŭ upłyvu na aficyjny Minsk mohuć być «vielmi dakładna nacelenyja ekanamičnyja sankcyi» ŭ dačynieńni da biełaruskich kampanij, jakija «ciesna supracoŭničajuć z režymam i dapamahli jamu ŭčyniać usialakaha kštałtu žudasnyja represii».
«Maja pazicyja takaja: tak, JES pavinien praanalizavać hetuju mahčymaść, kab vielmi dobra padrychtavać metavyja sankcyi», — zajaviŭ Paet.
Kiraŭnik estonskaha MZS taksama vystupiŭ za praciah dvuchviektarnaj palityki JES adnosna Biełarusi, što, pavodle jaho słoŭ, «praduhledžvaje poŭnuju padtrymku krochkaj hramadzianskaj supolnaści, a taksama davańnie hrantaŭ biełaruskim studentam na navučańnie ŭ zachodnich univiersitetach». Paet padkreśliŭ nieabchodnaść padtrymki Jeŭrapiejskaha humanitarnaha ŭniviersiteta ŭ Vilni, dzie vučacca biełaruskija studenty, i vystupiŭ za spraščeńnie vizavaha režymu dla hramadzian Biełarusi.