Мубарак застаецца, але абяцае не ўдзельнічаць у наступных выбарах
02.02.2011 / 00:43
Прэзідэнт Егіпта Хосні Мубарак заявіў, што застанецца на пасадзе да заканчэння сваіх паўнамоцтваў.
«Я хачу забяспечыць мірны пераход улады, які дазволіў бы перадаць адказнасць за краіну тым, каго абярэ народ», — сказаў Мубарак, выступаючы па дзяржаўным тэлебачанні Егіпта.
«Я не маю намеру ўдзельнічаць у наступных прэзідэнцкіх выбарах», — адзначыў ён.
«Да наступных выбараў я буду ўпарта працаваць і прыкладаць усе намаганні для мірнага пераходу ўлады», — сказаў Мубарак.
Прэзідэнцкія выбары ў Егіпце павінны адбыцца ў верасні гэтага года.
На галоўнай плошчы егіпецкай сталіцы працягваецца мітынг. Лік яго ўдзельнікаў у дадзены момант складае каля 80 тысяч чалавек.