Куды падзеліся пангасіус і тылапія, або Змаганне з экспартам
Каб знізіць экспарт рыбы, згадалі, што гэта прэснаводныя гатункі.
17.01.2011 / 14:07
Са знікненнем з прылаўкаў філе пангасіуса і тылапіі пачалі распаўсюджвацца чуткі пра забарону на ўвоз іх у Беларусь нібыта праз шкоду для здароўя. Высветлілася, аднак, што забароны не было, але было прынятае рашэнне прыпыніць увоз гэтых відаў рыбы ў Беларусь.
У аддзеле прадуктаў жывёлагадоўлі Міністэрства гандлю Беларусі растлумачылі, што рашэнне прыпыніць імпарт філе прэснаводнай рыбы выкліканае тым, што ў Беларусі ёсць свае аналагічныя віды — напрыклад, карп альбо таўсталобік, і калі на складах пангасіус скончыцца, беларусы будуць купляць беларускае.