Hrybaŭskajcie zaklikaje palehčyć vizavy režym dla hramadzianaŭ Biełarusi
10.01.2011 / 15:17
Prezident Litvy Dala Hrybaŭskajcie źviarnułasia ź listom da prezidenta Rady kiraŭnikoŭ JES Chiermana van Rompeja i staršyni Jeŭrakamisii Žaze Manueła Barozu z zaklikam pašukać srodki dla jak najchutčejšaha palahčeńnia ruchu ŭ Šenhienskaj prastory i spraščeńnia pracedury atrymańnia vizaŭ dla hramadzianaŭ Biełarusi niezaležna ad mahčymych sankcyj JES
u dačynieńni da biełaruskaha kiraŭnictva. Pra heta paviedamlaje litoŭskaje aficyjnaje infarmacyjnaje ahienctva ELTA.
Pavodle litoŭskaha lidara, vielmi važna, kab biełarusy mahli jeździć u krainy JES na nie mienš spryjalnych umovach i płacić za vizy nie daražej, čym hramadzianie inšych uschodnich susiedziaŭ JES.
«Vybary ŭ Biełarusi ŭ śniežni 2010 hoda i padziei paśla ich pakazali, što ciapier najbolš aktualnaje pytańnie — situacyja z pravami čałavieka i demakratyčnymi kaštoŭnaściami ŭ Biełarusi, udzielnicy ABSIE i susiedniaj z nami krainy. Jeŭrapiejski sajuz u imknieńni demakratyzavać Biełaruś sprabavaŭ roznyja srodki supracoŭnictva i ŭździejańnia ŭ dačynieńni da Biełarusi. Na žal, tyja srodki, jakija paspryjali izalacyi hramadzianaŭ hetaj krainy, nie apraŭdali siabie. Tamu nieabchodna šukać novyja sposaby supracoŭnictva ź Biełarussiu», — havorycca ŭ liście D.Hrybaŭskajcie kiraŭnikam JES.
Pavodle prezidenta Litvy, tolki palehčyŭšy mahčymaści ruchu dla balšyni hramadzianaŭ Biełarusi i razam z tym ich kantakty z hramadzianami JES, možna paspryjać libieralizacyi ŭ hetaj krainie.
U liście D.Hrybaŭskajcie, jaki cytuje prezidenckaja