Суды над затрыманымі 27 ліпеня перанесеныя на тыдзень
28.07.2010 / 15:09
Cуды над затрыманымі 27 ліпеня ўдзельнікамі акцыі з выпадку 20-годзьдзя прыняцьця Дэклярацыі аб сувэрэнітэце Беларусі перанесеныя. Затрыманых абвінавачваюць у дробным хуліганстве (артыкул 17.1 Адміністрацыйнага кодэксу) за нібыта нецэнзурную лаянку.
Удзельнікі акцыі плянавалі ўскласьці кветкі да помнікаў Якубу Коласу, Янку Купалу і Максіму Багдановічу. Пры разгоне акцыі былі затрыманыя і правялі ноч у турме на Акрэсьціна Мікола Дземідзенка, Кася Давыдзік, Андрэй Кім і Вячаслаў Сіўчык.
Ноч яны правялі на Акрэсціна. Суды адкладзеныя, бо не зьявіліся сьведкі з боку абвінавачаньня. Да суду актывістаў адпусьцілі.