10 achviaraŭ pavodki ŭ Francyi
16.06.2010 / 14:17
Kolkaść zahinułych u vyniku pavodki na poŭdni Francyi ŭzrasła da dziesiaci čałaviek.
Zaraz u zatoplenych rajonach źniaty režym nadzvyčajnaj sytuacyi, raniej začynieny aeraport pačynaje svaju pracu.
Učarašnija zalevy vyklikali nadzvyčajnuju sytuacyju va ŭsim rehijonie Pravans‑Łazurny bierah. Hałoŭnaja turystyčnaja zona Francyi apynułasia zonaj biedztva. U Drahińjanie mienš čym za sutki vypała 300 mm apadkaŭ, na zatoplenych vulicach uzrovień vady pieravysiŭ dva metry. Kala 200 tysiač damoŭ zastalisia biez elektryčnaści. Usiaho ŭ vyniku vyratavalnych rabotaŭ było evakujavana ŭ biaśpiečnaje miesca kala 1200 čałaviek. Pamiž Nicaj i Tułonam było spyniena čyhunačnyja pieravozki, aeraport Jer Tułon byŭ začynieny. Adnak, užo siońnia, pa paviedamleńniach ahienctvaŭ, režym nadzvyčajnaha stanovišča byŭ źniaty, i aeraport pačaŭ prymać samaloty.