«Гавары праўду!»: людзі думалі — паштоўкі з выканкама
з пошты Рэдакцыі
Якую яшчэ праўду? Гэта ўсё падкопы дэструктыўных элементаў! — адказалі ім.
02.05.2010 / 19:33
Нядаўна ў нас у Оршы нейкія хлапцы раздавалі мінакам паштоўкі з тэкстам. На адным баку надпіс «Гавары праўду!», на адваротным — чыстае месца для пісьма і адрас Адміністрацыі прэзідэнта. Людзі ахвотна бралі паштоўкі. Мне дасталіся толькі дзве, а хацелася болей. Адправіўшы паштоўкі, я вырашыў пазваніць у ідэалагічны аддзел Аршанскага гарвыканкама і сардэчна падзякаваць ініцыятарам акцыі.
— Паштоўкі? Якія паштоўкі? Якую яшчэ праўду? Гэта ўсё падкопы дэструктыўных элементаў!— гнеўна абураўся добра пастаўлены голас.
Вось як выходзіць — калі хочаш сказаць ці пачуць праўду, значыць, табе адна назва — дэструктыўны элемент.