Padpaliŭ žonku

Žudasny vypadak zdaryŭsia ranicaj 25 sakavika ŭ Baranavickim rajonie.

25.03.2010 / 17:00

Žudasny vypadak zdaryŭsia ranicaj 25 sakavika ŭ Baranavickim rajonie.

Zdareńnie adbyłasia ŭ vioscy Zornaje Baranavickaha rajona ranicaj 25 sakavika. Jak tolki žančyna adčyniła dźviery kvatery, muž abliŭ jaje bienzinam i kinuŭ zapałku. Kurtka i vałasy žančyny ŭspychnuli imhnienna. Žančyna ŭ šoku kinułasia preč z kvatery. «Ja ŭbačyŭ pałajučaha čałavieka, što vybiahaŭ z pad’iezdu, i kinuŭsia na dapamohu, — raspavioŭ Intex-press vidavočca zdareńnia Juryj. — Žančyna hareła žyŭcom. Jana vielmi mocna kryčała. Jak maha chutčej ja staŭ tušyć na joj adzieńnie, vybiehli susiedzi i dapamahli mnie. Potym ja vyklikaŭ chutkuju».

Jak raspaviała dačka paciarpiełaj Natałla, skandalić p’iany baćka pačaŭ jašče z viečara, ale potym supakoiŭsia i zasnuŭ.

A ranicaj jon kudyści źbiehaŭ, moža ŭ haraž. Viarnuŭsia p’iany, i ad jaho pachła bienzinam, — skazała IP Natałla sa ślazami. — My z maim dvuchhadovym synam byli ŭ pakoi i nie vychodzili, kab jaho nie złavać».

«Heta nie pieršy niaščasny vypadak u našaj siam’i. Paŭtara miesiacy tamu jon napaŭ na žonku z vieličeznym nažom i mocna parezaŭ jaje, — skazaŭ muž Natałli Vital. — Usio z-za taho, što jon ničoha nie robić i p’ie jak ašaleły. Kožny dzień na čarcy, što ad jaho jašče čakać».

Siońnia muž paciarpiełaj pavinien byŭ z’iavicca na pasiedžańnie sudu ŭ jakaści abvinavačanaha pa spravie ab naniasieńni cialesnych paškodžańniaŭ žoncy.

Jak paviedamili ŭ traŭmatałahičnym addzialeńni Baranavickaj haradskoj balnicy, žančyna pastupiła ŭ addzialeńnie z apiokami tvaru, ruki, biadra i halonki. Zaraz, pa słovach lekaraŭ, stan paciarpiełaj zdavalniajučy.

Rodnyja i susiedzi paciarpiełaj nie chutka zabuduć hetuju ranicu.

Padpalščyka zatrymali na miescy zdareńnia.