У Паўднёвай Карэі вынайшлі 3D‑кнігу
Яе героі проста «выскокваюць» са старонак.
24.03.2010 / 11:19
Карэйскія навукоўцы вынайшлі 3D‑кнігу, героі якой могуць «выскокваць» са старонак.
«На стварэнне праграмнага забеспячэння ў нас пайшло тры гады», — заявіў Кім Санг, кіраўнік праекта. «Пройдзе яшчэ нейкі час, пакуль гэтая тэхналогія стане агульнадаступнай», — дадаў ён.
Пра магчымы кошт такой кнігі пакуль не паведамляецца, але навукоўцы выказалі упэўненасць, што 3D‑кнігі будуць даступныя для масавага пакупніка.
Раней паведамлялася, што ў Бельгіі стварылі першую 3D‑газету.