Upieršyniu ŭ Biełarusi zatrymany nielehalny mihrant z Panamy
12.03.2010 / 12:35
Panamski nielehalny mihrant zatrymany na terytoryi Biełarusi. Prynamsi, paviedamiŭ načalnik pres‑centra Dziaržaŭnaha pahraničnaha kamiteta Alaksandr Ciščanka,
heta vynikaje sa słoŭ zatrymanaha 34‑hadovaha mužčyny.
Pavodle infarmacyi Ciščanki, 11 sakavika ačapleńnie palihona Kryničny pad Hrodna spyniła nieviadomaha mužčynu i pieradało jaho pamiežnikam. Pry sabie nielehalny mihrant mieŭ
7 dalaraŭ ZŠA, pradukty charčavańnia, ciopłaje adzieńnie, tualetnyja rečy, dva zdymki google‑kart sa spadarožnika i fatahrafiju žonki z dačkoj.
Panamiec zajaviŭ, što nakiroŭvaŭsia ŭ Litvu dla ŭźjadnańnia ź siamjoj, jakaja nibyta žyvie tam. Asoba zatrymanaha vyśviatlajecca.