Казахстан падтрымаў Маскву, запярэчыў Мінску ў пытанні Мытнага саюза
Казахстан выступае супраць перагляду раней прынятых дакумэнтаў па фармаванні Мытнага саюза, заявіў казахскі прэм'ер.
19.02.2010 / 14:31
Казахстан выступае супраць перагляду раней прынятых дакумэнтаў па фармаваньні Мытнага саюзу, заявіў 19 лютага казахскі прэм’ер-міністр Карым Масімаў на пасяджэньні ўраду.
«Мы паўтара месяца жывем у Мытным саюзе, ёсьць установачныя дакумэнты, якія зацьверджаны кіраўнікамі дзяржаў, ёсьць рамачны Мытны кодэкс, але цяпер узьнікае некаторае жаданьне рэвізаваць ужо прынятыя дакумэнты. Я хацеў сказаць: ніякіх рэвізій прынятых рашэньняў быць не павінна», — цытуе Масімава РІА Новости.
Ён падкрэсьліў, што прэзыдэнт Казахстану Нурсултан Назарбаеў «даў вельмі дакладнае даручэньне: нам трэба вельмі дакладна тут трымаць сваю пазыцыю».