U Iranie prysudzili da śmiarotnaj kary viadomaha repiera, jaki ŭdzielničaŭ u antyŭradavych pratestach
Pieršapačatkova jamu dali šeść hadoŭ turmy.
25.04.2024 / 07:15
Tamadž Salechi. Fota: sacyjalnyja sietki
Ułady Irana pryhavaryli da śmiarotnaj kary papularnaha repiera Tamadža Salechi, jaki ŭdzielničaŭ u antyŭradavych pratestach 2022-2023 hadoŭ. Ab hetym paviedamlajuć ahienctva Reuters i pravaabarončaja arhanizacyja Iran Human Rights (IHR).
Pravaabaroncy ŭdakładnili, što Salechi pryznali vinavatym u «raspaŭsiudzie karupcyi na ziamli» (termin, jaki iranskija ŭłady vykarystoŭvajuć dla abaznačeńnia šyrokaha koła złačynstvaŭ, u tym liku źviazanych ź isłamskaj marallu), piša «Nastojaŝieje vriemia»
Advakat Salechi Mustafa Neli zajaviŭ, što budzie abskardžvać śmiarotny prysud.
Artysta zatrymali i paśla aryštavali ŭ kastryčniku 2022 hoda. Jamu abvinavacili padtrymku pratestoŭcaŭ suprać urada, u tym liku, u svaich pieśniach i publičnych vykazvańniach. U 2023 hodzie Viarchoŭny sud Irana pryhavaryŭ Salechi da šaści hadoŭ i troch miesiacaŭ turmy.