Затрымаць намесніка міністра абароны Расіі «дапамаглі» ўкраінскія спецслужбы
Затрыманне намесніка міністра абароны Расіі Цімура Іванова — гэта вынік дзеянняў Галоўнага упраўлення разведкі Мінабароны Украіны. Пра гэта паведамляе РБК-Украіна са спасылкай на крыніцы ў спецслужбах.
24.04.2024 / 18:31
Фота: Мінабароны Расіі
У сакавіку 2024 года падраздзяленне актыўных дзеянняў ГУР правяла кібератаку і атрымала доступ да канфідэнцыйнай інфармацыі і службовых дакументаў Іванова.
Пасля таго, як пра гэтую гісторыю даведаліся ў «больш шырокіх расійскіх колах», супраць Іванова пачалі расследаванне. Цяпер расійскага чыноўніка падазраюць у карупцыі.
У ГУР адзначылі, што Іваноў — сапраўды карупцыянер, але расійскія сілавікі зацікавіліся ім з-за ўцечкі адчувальнай інфармацыі. Пры гэтым добраахвотна Іваноў з украінскай разведкай не супрацоўнічаў.
«Элемент гульні супраць Шайгу». Што гавораць палітолагі пра арышт намесніка міністра абароны Расіі
Каманда Навальнага пахвалілася, што паспрыяла арышту намесніка Шайгу. Успыхнуў скандал
У Расіі за хабар затрымалі намесніка міністра абароны