Rasijskamu akcioru Michaiłu Jafremavu admovili va ŭmoŭna-daterminovym vyzvaleńni
U červieni 2020 hoda viadomy akcior staŭ udzielnikam rezananskaha DTZ, u vyniku jakoha zahinuŭ kurjer.
24.04.2024 / 08:20
Pryčyna — akcior parušyŭ režym u kałonii ŭ Biełharadskaj vobłaści, dzie adbyvaje pakarańnie, piša Mash.
Niekalki miesiacaŭ tamu kiraŭnictva VK-4 zaćvierdziła prašeńnie artysta ab umoŭna-daterminovym vyzvaleńni — i jon pačaŭ padrychtoŭku da pracedury. Ale padčas pravierki va ŭstanovie vyśvietliłasia: Jafremaŭ spaźniŭsia na «abaviazkovaje mierapryjemstva» ŭ kałonii, z-za čaho atrymaŭ vymovu. Tamu prašeńnie ab UDV u Alaksiejeŭski rajonny sud tak i nie adpravili.
Advakat akciora zajaviŭ: nijakaj unutranaj kamisii nie było, jak i prašeńni ad jaho klijenta. Pry hetym u sudzie raskazali: prašeńnie ab umoŭna-daterminovym pavinna było pryjści jašče ŭ sakaviku.
Za kraty Jafremaŭ patrapiŭ uvosień 2020 hoda — za pjanaje DTZ u samym centry Maskvy ŭ červieni, u vyniku jakoha zahinuŭ kiroŭca-kurjer Siarhiej Zacharaŭ.
Akcioru Michaiłu Jafremavu ŭchvalili ŭmoŭna-daterminovaje vyzvaleńnie
Akcior Michaił Jafremaŭ zapisaŭ VIDEA z vybačeńniami: Ja nie viedaju, jak dalej žyć
Rasijski akcior Michaił Jafremaŭ ździejśniŭ śmiarotnaje DTZ, jamu pahražaje da 12 hadoŭ turmy