Самалёт «Белавія» не трапіў у Дубай з-за стыхіі
Рэйс B2 717 Мінск — Дубай зрабіў вымушаную пасадку ў эміраце Фуджэйра за 100 кіламетраў ад Дубая.
17.04.2024 / 15:42
Борт «Белавія» вылецеў з Мінска паводле раскладу, аднак сесці ў аэрапорце Дубая не змог з-за магутнай залевы і ўрагану. Самалёт доўгі час знаходзіўся ў зоне чакання, а затым быў накіраваны на запасны аэрадром, паведамляе прэс-служба авіякампаніі.
Цяпер борт знаходзіцца ў Фуджэйры і чакае ад аэрапорта дазволу на прылёт і пасадку. Адпаведна, рэйс у Мінск таксама адкладаецца.
Напярэдадні ААЭ накрылі наймацнейшыя ліўні. Міжнародны аэрапорт быў падтоплены, рэйсы масава пераносілі і адмянялі. Таксама ад паводкі пацярпеў сам Дубай.
Магутныя залевы ў Дубаі прывялі да адмены авіярэйсаў, у тым ліку ў Мінск
Дубай сыходзіць пад ваду з-за магутнай залевы ВІДЭА
«За восем дзён аддалі 1220 даляраў на дваіх». Як беларускі па гарачай пуцёўцы адпачылі ў Эміратах