MTS uznačaliŭ pałkoŭnik z KDB
Uładzimir Kozyr pryznačany na pasadu hiendyrektara biełaruskaj MTS. Pra heta paviedamiła pres-słužba mabilnaha apieratara. Uładzimira Kozyra zaćvierdzili ahulnym schodam udzielnikaŭ STAA «Mabilnyja Telesistemy».
17.04.2024 / 13:10
Uładzimir Kozyr. Fota: MTS
«Uładzimir Kozyr maje vialiki dośvied, vysokuju kvalifikacyju i navyki, jakija dazvalajuć paśpiachova realizoŭvać stratehičnyja zadačy i prajekty. Doŭhi čas pracavaŭ pa napramkach ekanomiki i suviazi. Da prychodu ŭ MTS zajmaŭ kiroŭnyja pasady ŭ siłavych orhanach.
Uładzimir Kozyr naradziŭsia ŭ 1970 hodzie ŭ vioscy Savičy Kalinkavickaha rajona. U 1993 hodzie skončyŭ Sankt-Pieciarburhski miechaničny instytut, u 2019 — Akademiju kiravańnia.
20 lipienia 2020 hoda Uładzimir Kozyr byŭ pryznačany načalnikam upraŭleńnia KDB pa Minsku i Minskaj vobłaści. Da hetaha jon uznačalvaŭ apieratyŭna-pošukavaje ŭpraŭleńnie KDB.
Na minułym tydni pasadu hiendyrektara MTS pakinuŭ Uładzisłaŭ Andrejčanka — syn byłoha staršyni Pałaty pradstaŭnikoŭ Uładzimira Andrejčanki, što kiravaŭ kampanijaj z 2021 hoda.
Syn byłoha śpikiera Pałaty pradstaŭnikoŭ Andrejčanki taksama pakidaje vysokuju pasadu
Abrali novaha staršyniu Pałaty pradstaŭnikoŭ. Adzinahałosna i bieź intryhi