U Minskaj vobłaści krali miasa na skotamahilniku i pradavali ludziam
Alaksandr Łukašenka na naradzie pa sielskaj haspadarcy ahučyŭ fakty złačynstvaŭ u APK.
16.04.2024 / 12:50
Łukašenka raspavioŭ, što ŭ 2023 hodzie pa linii baraćby z karupcyjaj i ekanamičnymi złačynstvami kožnaje piataje złačynstva datyčycca śfiery APK. Pieravažajuć złačynstvy, źviazanyja sa słužbovaj padrobkaj, pavialičyłasia kolkaść kradziažoŭ. Akramia taho, u biahučym hodzie pry kantroli za rucham žyvioły raspačaty 104 kryminalnyja spravy za prypiski.
Łukašenka pryvioŭ kankretny prykład pa Lubani Minskaj vobłaści: «Nie viedaju navat, jak nazvać hetych ludziej, dajšli da taho, što kanfiskoŭvali sa skotamahilnikaŭ tušy zaniapałaj bujnoj rahataj žyvioły, raźbirali ich i pradavali na «miasa» nasielnictvu». Pryčym hetym zajmalisia i vieterynary, i bryhadziry sielhasarhanizacyj troch rajonaŭ Minskaj vobłaści (Lubanskaha, Asipovickaha i Staradarožskaha)», — raspavioŭ Łukašenka.
Łukašenka nazvaŭ 2023 hod «amal pravalnym» u sielskaj haspadarcy
Na Paleśsi zhareła hniazdo busłoŭ
U Čarnobylskaj zonie źjaviŭsia novy drapiežnik