У Ленінградскай вобласці збілі беспілотнік
Губернатар Ленінградскай вобласці Аляксандр Драздзенка напісаў у сваім тэлеграм-канале, што на падлёце да нафтаперапрацоўчага завода КІНЕФ у Кірышскім раёне быў збіты беспілотнік «самалётнага тыпу».
13.03.2024 / 08:20
Беспілотнік самалётнага тыпу. Фота Мінабароны Украіны
«Вытворчасць працуе ў штатным рэжыме. Ахвяр і разбурэнняў няма. Наступствы ў месцы падзення лакалізаваныя і ліквідаваныя», — заяўляе губернатар.
Раніцай у сераду ўдару беспілотнікаў таксама падвергся нафтавы аб'ект у Разані, там пачаўся моцны пажар, піша Бі-бі-сі.
Чытайце таксама:
У Белгарадзе беспілотнік атакаваў будынак ФСБ
Брытанская разведка ацаніла ўплыў удару Украіны па авіязаводзе ў Таганрозе