Dola rasiejcaŭ, jakija ličać vajnu pamyłkaj, dasiahnuła amal 40%
Rasijskija hramadzianie ŭsio bolš škadujuć pra toje, što 24 lutaha 2022 hoda ich vojska na zahad prezidenta Uładzimira Pucina ŭvarvałasia va Ukrainu, zaśviedčyła apytańnie, praviedzienaje sacyjołahami RussianField.
26.02.2024 / 21:54
Pa stanie na luty rekordnyja 38% hramadzian zajavili, što admianili b rašeńnie ab pačatku «vajennaj apieracyi», kali b u ich była takaja mahčymaść. U paraŭnańni z sakavikom 2022 hoda kolkaść takich ludziej pavialičyłasia na 10 pracentnych punktaŭ.
Dola tych, chto ŭsio roŭna pavioŭ by tanki i pałki va Ukrainu, pa-raniejšamu vyšejšaja — 49%. Adnak «partyja vajny» ściskajecca: u sakaviku 2022 hoda «nie stali b admianiać» rašeńnie Pucina 57%, padčas mabilizacyi dola takich apuściłasia da 51%, a ciapier upała nižej za pałovu.
Pieravažnaja bolšaść apytanych ličać, što terminy «vajennaj apieracyi» zaciahnulisia (71%), piša RussianField: u asnoŭnym heta moładź i małazabiaśpiečanyja hramadzianie, pryčym u hetym mierkavańni adzinyja jak hledačy fiederalnaj TB-prapahandy (76%), tak i čytačy telehram-kanałaŭ (67%).
U sakaviku 2022 hoda tolki 13% rasiejcaŭ ličyli, što vajna praciahniecca bolš za hod. Ciapier, kali bajavyja dziejańni pierasiahnuli treciuju hadavinu, 44% miarkujuć, što i praz hod spynić pralićcio kryvi nie atrymajecca.
Čytajcie taksama:
Rasija za dva hady straciła kala 83 tysiač zabitymi — analiz statystyki