Ікона сусветнага кіно, 88-гадовы Ален Дэлон прызнаны недзеяздольным
Французскі суд абмежаваў у правах Алена Дэлона — ён не зможа распараджацца нерухомасцю і прадаваць сваю маёмасць. Суд таксама пазбавіў яго дзяцей апекі над ім.
30.01.2024 / 11:31
Ален Дэлон у Канах у 2019 годзе. Фота: Petros Giannakouris / AP
Адпаведную пастанову прыняў французскі суд 29 студзеня. Згодна з ім, 88-гадовая зорка не можа самастойна распараджацца сваёй нерухомай маёмасцю. У той жа час гэтым і іншымі пытаннямі, звязанымі з медыцынскімі абследаваннямі і выдаткамі, будзе займацца прадстаўлены ў заканадаўчым парадку дзяржаўны агент, піша Postimees са спасылкай на BFMTV.
Дзеці акцёра, якія неаднаразова выказваліся аб крытычным стане здароўя бацькі, пазбаўленыя догляду за ім. У прыватнасці, яны не могуць ўмешвацца ў правядзенне медыцынскіх маніпуляцый.
«Гэта дазволіць трэцяму боку, каб дапамагчы Алену Делону з яго медыцынскімі абследаваннямі. Суддзя палічыў неабходным пазбавіць дзяцей Дэлона сачыць за медыцынскімі абследаваннямі іх бацькі», — распавёў адвакат жанчыны, якая назвала сябе былой спадарожніцай Дэлона, у каментары BFMTV.
Такі прысуд ужо пракаментаваў сын знакамітасці. Энтані Делон станоўча настроены на такое рашэнне, хоць і не пазбягае эмацыйнасці:
«Калі гэта можа дапамагчы выправіць сітуацыю і перашкодзіць адвакатам казаць пра хваробу майго бацькі, нават не азнаёміўшыся з дакументамі, гэта добра. Гэтая медыцынская спрэчка скончыцца раз і назаўжды», — адрэагаваў Энтані.
Чытайце таксама:
Ален Дэлон падае ў суд на свайго сына
Ален Дэлон рашыўся на эўтаназію
Ален Дэлон перадумаў паміраць і прачытае вершы Тараса Шаўчэнкі